Хайкин «Сити» устидан ғалабани Норвегия тарихи билан қиёслади
Норвегиянинг «Будё-Глимт» жамоаси дарвозабони Никита Хайкин «Манчестер Сити» устидан қўлга киритилган шов-шувли ғалаба ҳақида фикр билдирди. Бу ҳақда euro-football.ru хабар беради.
Чемпионлар лигаси умумий босқичининг 7-турида норвегияликлар инглиз грандини 3:1 ҳисобида мағлуб этди.
«Ўйиндан кейин ҳам биз эҳтимол футбол индустриясида XXI асрнинг энг кучли ташкилотларидан бирини ютганимизни дарҳол англаб етмадик. Бу учрашув фақат биз учун эмас, бутун норвеглар, умуман Норвегия спорти учун тарихга кирди», — деди Хайкин VideoSports дастурида.
Дарвозабоннинг таъкидлашича, мазкур натижа унинг фаолиятидаги энг муҳим ғалабалардан бири бўлди.
Ҳозирда «Будё-Глимт» Чемпионлар лигаси турнир жадвалида 6 очко билан 28-ўринда бормоқда.