Кутузов Ганчаренконинг Беларусь терма жамоасидаги имконини баҳолади
"Милан" собиқ футболчиси Виталий Кутузов Беларусь терма жамоасига бош мураббий этиб тайинланган Виктор Ганчаренконинг истиқболлари ҳақида фикр билдирди. Бу ҳақда euro-football.ru хабар беради.
Кутузовнинг айтишича, мураббийликка Ганчаренкони олиб келиш Беларусь футбол федерацияси раҳбариятининг аниқ ва маъноли қадами. У, шунингдек, бу тайинлов Ганчаренко учун ўзини қайта исботлаш, ҳали ҳам имконияти борлигини кўрсатиш йўлидаги жиддий синов эканини таъкидлади.
Эслатиб ўтамиз, 48 ёшли мутахассис январ ойининг биринчи ярмида Беларусь терма жамоаси бош мураббийи лавозимини эгаллади. Ганчаренко миллий жамоа билан 2029 йил охиригача мўлжалланган узоқ муддатли шартнома имзолаган.