Ҳаж зиёратини 40 марта адо этган 142 ёшли отахон ҳаётдан кўз юмди
0
Саудия Арабистонида мамлакатнинг энг кекса фуқароси сифатида тилга олинган Носир бин Родан ал-Рашид ал-Вадоий 142 ёшида вафот этгани ҳақида хабар тарқалди. Бу ҳақда Qatar Tribune “маҳаллий хабарлар”га таяниб ёзган.
Қариндошларининг маълум қилишича, у 1883–1884 йилларда, яъни подшоҳлик расман шаклланишидан олдин дунёга келган ва мамлакат тарихидаги барча подшоҳлар даврини кўриб умр кечирган. Шунингдек, у 40 мартадан ортиқ Ҳаж зиёратини адо этгани айтилмоқда.
Хабарларда Носир ал-Вадоийнинг оиласи ҳам жуда катта экани қайд этилган: фарзанд ва набиралари умумий сони 134 нафар экани, у 110 ёшида охирги марта уйланиб, яна фарзандли бўлгани ҳақида ҳам маълумот келтирилади.