Ўзбекистонда корхоналар сони 475 мингга етди

2026 йил 1 январь ҳолатига кўра, Ўзбекистонда фаолият юритаётган корхоналар сони 474,9 мингни ташкил этди. Бу ҳақда Миллий статистика қўмитаси маълумотларида келтирилган. Бу ҳақда kursiv.uz хабар беради.

Энг кўп корхоналар савдо соҳасига тўғри келади — 153,2 мингта компания, яъни умумий кўрсаткичнинг 32,3 фоизи. Мамлакатдаги ташкилотларнинг 85 фоизи кичик бизнес ҳиссасига тўғри келиб, уларнинг сони 403,8 мингта этади.

Ҳудудлар кесимида энг катта улуш Тошкент шаҳрида: 108,7 мингта корхона ёки бозорнинг 22,9 фоизи. Кейинги ўринларда Тошкент вилояти (46,5 минг), Самарқанд вилояти (41,2 минг) ва Фарғона вилояти (38,2 минг) қайд этилди.

Бизнеснинг энг оммабоп ташкилий-ҳуқуқий шакли ҳануз МЧЖ бўлиб қолмоқда — 170,4 мингта тижорат тузилмаси айнан шу форматда ишлайди.

Чет эл капитали иштирокига эга корхоналар сони бир йил ичида 22 фоизга ошиб, 18,1 мингтагача етди. Сармоя бўйича етакчи Хитой — 5 мингта корхона, ундан кейин Россия — 3,2 минг, учинчи ўринда Туркия — 2,1 мингта корхона билан қайд этилди. Сўнгги беш йил ичида республикадаги хорижий компаниялар сони деярли икки баробарга кўпайган.