Бобир Абдихолиқов "Насаф"га қайтиш сабабларини очиқлади...

Ўтган мавсум «Пахтакор»да фаолият юритган ҳужумчи Бобир Абдихолиқов ўз қарори ва «Насаф»га қайтгани сабабларини мухлислар билан бўлишди.

Ўзбекистон терма жамоасига номзод 28 ёшли футболчи шундай фикр билдирди: «Насафга нега қайтдим? Сабаби — бу ер менинг иккинчи уйим. Араб клубларидан қизиқарли таклифлар ҳам бўлди, аммо мен «Насаф» шарафини ҳимоя қилишни хоҳладим.

Янги мавсумда ўзимни янада кўрсатиб, Суперлигада ёрқин ва таъсирли ўйин кўрсатиш ниятидаман. Насиб бўлса, терма жамоа билан Жаҳон чемпионатида иштирок этишни мақсад қилмоқдаман», – деди Бобир.

Маълумот учун, Абдихолиқов ўтган мавсумда 10 та ўйинда майдонга тушиб, битта гол кирита олган эди. Ҳозир эса футболчи ўзини янада мукаммал кўрсатиб, мухлисларга янги ва қувонарли лаҳзалар тақдим этишни режалаштирмоқда.

«Насаф»га қайтиш футболчи учун нафақат шахсий, балки жамоавий мақсадларни ҳам рўёбга чиқариш имконини яратмоқда. Шу билан бирга, терма жамоа учун ҳам ундан фойдаланиш имкониятлари кенгайди.