Калафьори: «Италиянинг яна бир жаҳон чемпионатини ўтказиб юборишга ҳаққи йўқ»
Лондоннинг "Арсенал" клуби ҳимоячиси Рикардо Калафьори бўлажак жаҳон чемпионатида Италия терма жамоаси сафида майдонга тушишга умид қилмоқда.
"Скуадра Адзурра" ўтган икки мундиални сенсацион тарзда ўтказиб юборганди.
"Италия яна бир жаҳон чемпионатини ўтказиб юборишини тасаввур ҳам қила олмайман. Аввалги икки муваффақиятсизлик биз учун жуда оғриқли тажриба бўлди ва бундай ҳолат такрорланмаслиги учун қўлимиздан келганини қиламиз," - деди Калафьори Эстонияга қарши ўйин олдидан.
Италия терма жамоаси 9 очко билан саралаш гуруҳида иккинчи ўринни эгаллаб турибди ва битта захира ўйини билан Норвегиядан 6 очко ортда қолмоқда.