Samsung 445 миллион доллар жаримага тортилди
0
АҚШда суд Samsung компаниясини бошқаларнинг ғояларидан рухсатсиз фойдаланганликда айблади. Суд қарорига кўра, компания “Collision Communications” номли Америка фирмасига 445,5 миллион доллар тўлаши керак.
“Collision Communications” бу ишни 2023 йилда судга олиб чиққан эди. Уларнинг айтишича, Samsung ўз телефон ва ноутбукларида уларга тегишли баъзи симсиз алоқа технологияларини рухсатсиз ишлатган.
Бу технологиялар аслида АҚШдаги бошқа бир компания томонидан ишлаб чиқилган бўлиб, кейинчалик “Collision Communications”га ўтган. Samsung эса бу даъволарни рад этиб, “бу ғоялар ҳақиқий эмас”, деб ҳисоблайди.
Суд қарорига кўра, компания катта миқдорда тўлов амалга оширади. Бироқ Samsung бу қарорга эътироз билдиришга ҳақли.