Мубашшир Ахмад 2,6 йилга озодликдан маҳрум этилди
0
Мубашшир Ахмад 2,6 йилга озодликдан маҳрум этилди, деб Kursiv Uzbekistan хабар берди.
8 октябрь куни Тошкент шаҳридаги суд диний блогер Алишер Турсунов (Мубашшир Ахмад)ни 2 йил 6 ойга қамоқ жазосига ҳукм қилди. Бу ҳақда Ўзбекистон Олий суди матбуот хизмати маълум қилди.
Суд унга нисбатан қонунга зид диний материаллар тайёрлаш ва сақлаш, аҳоли орасида адоват қўзғатиш ҳамда интернетда ноқонуний контент тарқатиш айбловларини тасдиқлади. Жазо умумий режимдаги колонияда ўталади.
Суд блогернинг ижтимоий тармоқдаги саҳифаларини ҳам блоклашга қарор қилди. Прокуратура 7 йил қамоқ ва жарима тайинлашни сўраган, ҳимоячи эса айбловларни қисман рад этиш ва блогернинг ёшларга таълим беришдаги роли ҳамда соғлиғини ҳисобга олишни илтимос қилган.