Ўзбекистонда январь-августда 58,5 минг янги компания рўйхатдан ўтди

Жорий йилнинг январь ойидан августгача бўлган даврда Ўзбекистонда 58,5 мингга яқин янги компаниялар рўйхатдан ўтказилди, деб Kursiv Media хабар берди. Бу кўрсаткич ўтган йилнинг шу даврига нисбатан 1,1%га юқори бўлди.

Энг кўп компания Тошкент шаҳрида ташкил этилган — деярли 12,8 мингта. Кейинг ўринда Тошкент вилояти — 5,8 минг компания билан. Учинчи ўринда эса Хоразм вилояти — 5,2 мингдан ортиқ ташкилот рўйхатдан ўтган.

Энг кам рўйхатдан ўтиш ҳолати Сирдарё вилоятида қайд этилди — бу ерда 1,5 мингтага етмаган компания ташкил этилган.