Абдуқодир Ҳусановнинг устози катта ваъда бериб юборди...
0
Англия Премьер-Лигасида кетма-кет тўрт йил чемпионликни нишонлаган “Манчестер Сити” жорий мавсумида чемпионлик унвонини ушлаб қола олмаслиги ойдинлашиб қолди.
Клуб раҳбарияти юз берган инқироздан кейин таркибни ўзгартиришга қарор қилди. Манчестерликлар ана шу мақсадда “Ланс” ва “Палмейрас”дан ёш ҳимоячилар – Абдуқодир Ҳусанов ва Витор Рейсни олиб келди.
Шунингдек, “Айнтрахт” тўпурари Умар Мармуш ҳам фаолиятини “Манчестер Сити”да давом эттирадиган бўлди.
Янги ўйинчилардан Ҳусанов ва Мармуш Англия Премьер-лигасидаги дебютини нишонлаб улгурди. Витор Рейс эса, ёшлиги туфайли бироз тажрибасини ошириши кераклиги айтилди.
Манчестерликлар устози Хосеп Гвардиола келаси мавсумдан бошлаб, бу йилгига қараганда, жамоаси умуман бошқа даражада ўйин кўрсатиши, юқори кўрсаткичларни қайд этишини таъкидлади.
- Бундан уч ой муқаддам биз бу мавсумда катта қийинликларга дуч келишимизни ҳис қилгандим, амалда ҳам шундай бўлиб чиқди.
Бундан кейин ҳам мураккаб жараёнларга тўқнаш келишимиз бошимизда бор масала.
Айримлар биз ҳақимизда “Жамоа “Ипсвич Таун” билан ўйиндан кейин ўз даражасига қайтди”, “Лестер”га қарши беллашувдан сўнг “Сити” ўзига келди” қабилидаги гапларни айтяпти.
Уларга жавобан шуни айтаманки, жамоанинг ўзгариши учун биринчи навбатда вақт талаб этилади.
Келаси мавсумдан бошлаб, биз яна ўз даражамизга қайтамиз. Ҳозир эса, асосий масала бу вазиятда курашиб, Европа Чемпионлар лигасига йўлланма олишдан иборат, - деди Хосеп Гвардиола.
Испаниялик мутахассис 2024 йилнинг охирида жамоада юз берган инқироздан кейин шогирдлари жорий мавсумда чемпионлик учун курашдан чиққанини, юзага келган мураккаб вазиятда улардан юқори натижаларни кутиш тўғри бўлмаслигини, клуб янги футболчилар ёрдамида таркибни кучайтириши лозимлигини таъкидлаган эди.
Англия Премьер-лигасининг 23-турида Чемпионлар лигаси йўлланмаси учун курашдаги тўғрида-тўғри рақобатчи ҳисобланган “Челси”ни енгган “Манчестер Сити” яна кучли тўртликдан жой олди.
Хосеп Гвардиола шогирдлари мавсум бошидан бери 12 та ғалаба, бешта дуранг ва олтита мағлубият қайд этиб, жами 41 очко жамғарган.
“Манчестер Сити” навбатдаги учрашувни 2 февраль куни 47 очко билан иккинчи ўринда бораётган “Арсенал”га қарши саф тортади. 24-турнинг марказий учрашувига Лондондаги “Эмирейтс” аренаси мезбонлик қилади.
Клуб раҳбарияти юз берган инқироздан кейин таркибни ўзгартиришга қарор қилди. Манчестерликлар ана шу мақсадда “Ланс” ва “Палмейрас”дан ёш ҳимоячилар – Абдуқодир Ҳусанов ва Витор Рейсни олиб келди.
Шунингдек, “Айнтрахт” тўпурари Умар Мармуш ҳам фаолиятини “Манчестер Сити”да давом эттирадиган бўлди.
Янги ўйинчилардан Ҳусанов ва Мармуш Англия Премьер-лигасидаги дебютини нишонлаб улгурди. Витор Рейс эса, ёшлиги туфайли бироз тажрибасини ошириши кераклиги айтилди.
Манчестерликлар устози Хосеп Гвардиола келаси мавсумдан бошлаб, бу йилгига қараганда, жамоаси умуман бошқа даражада ўйин кўрсатиши, юқори кўрсаткичларни қайд этишини таъкидлади.
- Бундан уч ой муқаддам биз бу мавсумда катта қийинликларга дуч келишимизни ҳис қилгандим, амалда ҳам шундай бўлиб чиқди.
Бундан кейин ҳам мураккаб жараёнларга тўқнаш келишимиз бошимизда бор масала.
Айримлар биз ҳақимизда “Жамоа “Ипсвич Таун” билан ўйиндан кейин ўз даражасига қайтди”, “Лестер”га қарши беллашувдан сўнг “Сити” ўзига келди” қабилидаги гапларни айтяпти.
Уларга жавобан шуни айтаманки, жамоанинг ўзгариши учун биринчи навбатда вақт талаб этилади.
Келаси мавсумдан бошлаб, биз яна ўз даражамизга қайтамиз. Ҳозир эса, асосий масала бу вазиятда курашиб, Европа Чемпионлар лигасига йўлланма олишдан иборат, - деди Хосеп Гвардиола.
Испаниялик мутахассис 2024 йилнинг охирида жамоада юз берган инқироздан кейин шогирдлари жорий мавсумда чемпионлик учун курашдан чиққанини, юзага келган мураккаб вазиятда улардан юқори натижаларни кутиш тўғри бўлмаслигини, клуб янги футболчилар ёрдамида таркибни кучайтириши лозимлигини таъкидлаган эди.
Англия Премьер-лигасининг 23-турида Чемпионлар лигаси йўлланмаси учун курашдаги тўғрида-тўғри рақобатчи ҳисобланган “Челси”ни енгган “Манчестер Сити” яна кучли тўртликдан жой олди.
Хосеп Гвардиола шогирдлари мавсум бошидан бери 12 та ғалаба, бешта дуранг ва олтита мағлубият қайд этиб, жами 41 очко жамғарган.
“Манчестер Сити” навбатдаги учрашувни 2 февраль куни 47 очко билан иккинчи ўринда бораётган “Арсенал”га қарши саф тортади. 24-турнинг марказий учрашувига Лондондаги “Эмирейтс” аренаси мезбонлик қилади.