Шимолий Корея ҳарбийлари илк бор Москвада 9 май парадида қатнашади
0
Фото: AFP
Шимолий Корея ҳарбийлари 9 май куни Москвада СССРнинг нацистлар Германияси устидан қозонилган ғалабасининг 80 йиллигига бағишланган парадда иштирок этади. Бу ҳақда 16 январ, пайшанба куни Япониянинг NHK телерадиокомпанияси манбаларга таяниб хабар берди.
Унинг суҳбатдошларига кўра, КХДР ҳарбийларининг ушбу парадда иштирок этиши ҳақидаги қарор аллақачон қабул қилинган. Гап Шимолий Кореянинг бир неча ўнлаб ҳарбий хизматчилари ҳақида бормоқда. Бунгача КХДР ҳарбийлари Россиядаги «Ғалаба паради»да ҳеч қачон қатнашмаган. Бундан ташқари, NHK бошқа манбалари хабар беришича, Шимолий Корея ҳарбий оркестри август ойи охирида Москвадаги мусиқий тадбирда иштирок этади.
2024 йил 30 ноябр куни Россия Мудофаа вазирлиги матбуот хизмати Telegramʼдаги каналида идора раҳбари Андрей Белоусов ва Шимолий Корея етакчиси Ким Чен Ин ўртасидаги учрашувдан сўнг Москва Пхенянни парадда иштирок этишга таклиф қилганини ёзди.
15 январ куни Белоусов Ғалаба парадига тайёргарлик бошланганини эълон қилди. Бу йил у Москвада, саккизта қаҳрамон шаҳарда ва ҳарбий штаблар жойлашган яна 19 шаҳарда ўтказилиши режалаштирилган. Вазирнинг сўзларига кўра, парадга 19 та «дўст» давлатдан ҳарбий қисмлар таклиф қилинган, улардан 10 таси, жумладан, собиқ СССРнинг етти давлати иштирокини тасдиқлаган.
"Медуза" нашрининг ёзишича, Кремл парадга АҚШдан юқори мартабали амалдор келишини кутмоқда. «Парад БРИКС 2.0 саммитига айланиши мумкин — бу жиддий изоляция йўқлигини кўрсатади. Агар кўрсатса, албатта. Лекин улар албатта ҳаракат қилишади», — деди "Медуза" манбаси.
Шимолий Корея ҳарбийлари 9 май куни Москвада СССРнинг нацистлар Германияси устидан қозонилган ғалабасининг 80 йиллигига бағишланган парадда иштирок этади. Бу ҳақда 16 январ, пайшанба куни Япониянинг NHK телерадиокомпанияси манбаларга таяниб хабар берди.
Унинг суҳбатдошларига кўра, КХДР ҳарбийларининг ушбу парадда иштирок этиши ҳақидаги қарор аллақачон қабул қилинган. Гап Шимолий Кореянинг бир неча ўнлаб ҳарбий хизматчилари ҳақида бормоқда. Бунгача КХДР ҳарбийлари Россиядаги «Ғалаба паради»да ҳеч қачон қатнашмаган. Бундан ташқари, NHK бошқа манбалари хабар беришича, Шимолий Корея ҳарбий оркестри август ойи охирида Москвадаги мусиқий тадбирда иштирок этади.
2024 йил 30 ноябр куни Россия Мудофаа вазирлиги матбуот хизмати Telegramʼдаги каналида идора раҳбари Андрей Белоусов ва Шимолий Корея етакчиси Ким Чен Ин ўртасидаги учрашувдан сўнг Москва Пхенянни парадда иштирок этишга таклиф қилганини ёзди.
15 январ куни Белоусов Ғалаба парадига тайёргарлик бошланганини эълон қилди. Бу йил у Москвада, саккизта қаҳрамон шаҳарда ва ҳарбий штаблар жойлашган яна 19 шаҳарда ўтказилиши режалаштирилган. Вазирнинг сўзларига кўра, парадга 19 та «дўст» давлатдан ҳарбий қисмлар таклиф қилинган, улардан 10 таси, жумладан, собиқ СССРнинг етти давлати иштирокини тасдиқлаган.
"Медуза" нашрининг ёзишича, Кремл парадга АҚШдан юқори мартабали амалдор келишини кутмоқда. «Парад БРИКС 2.0 саммитига айланиши мумкин — бу жиддий изоляция йўқлигини кўрсатади. Агар кўрсатса, албатта. Лекин улар албатта ҳаракат қилишади», — деди "Медуза" манбаси.