АҚШ ва Қатар Ғазода ўт очишни тўхтатиш бўйича келишувни имзолади
0
Фото: AFP
АҚШ ва Қатар вакиллари Ғазо секторида ўт очишни тўхтатиш ва исроиллик гаровга олинганларни озод қилиш бўйича келишув имзолади. Бу ҳақда 16 январ, пайшанба куни Американинг Axios портали манбаларга таяниб хабар берди.
Келишув кафиллари - АҚШ, Қатар ва Миср
Унга кўра, Исроил ва Ҳамас гуруҳи ўртасидаги келишувнинг якуний версияси пайшанба куни Доҳада тасдиқланган. Ҳужжатни Исроил, Ҳамас, АҚШ ва Қатар музокарачилари имзолаган. Вашингтон номидан ҳужжатни дипломат Бретт Макгерк имзолади. Қатар ва АҚШдан ташқари, Миср ҳам келишув кафилига айланди, деб ёзади Axios.
Исроил бош вазири Бинямин Нетаняҳунинг идораси 17 январ, жумага ўтар кечаси келишув ҳақида баёнот берди. «Нетаняҳу музокаралар гуруҳи томонидан гаровга олинганларни озод қилиш бўйича келишувга эришилгани ҳақида маълум қилди», — дейилади баёнотда. Бош вазир девонининг қўшимча қилишича, гаровга олинганларни қабул қилишга ҳозирданоқ тайёргарлик кўрилмоқда. AP агентлигига кўра, Нетаняҳу идораси баёноти, афтидан, Исроил ҳукумати ҳукмрон коалиция ичидаги қарама-қаршиликларга қарамай, келишувни маъқуллашини билдиради.
Бош вазир идораси Исроилнинг ҳарбий-сиёсий вазирлар маҳкамаси «келишувни тасдиқлаш учун жума куни йиғилишини» айтди. Кейин у тўлиқ ҳукумат томонидан тасдиқланиши керак. Нетаняҳу жамоаси вазирлар маҳкамаси қачон йиғилиши ҳақида аниқ маълумот бермади. AFP хабарига кўра, келишув сулҳ 19 январ, якшанба куни кучга киришини англатади. Axios Нетаняҳу ёрдамчисига таяниб хабар беришича, бу муддат 20 январ, душанба кунига кўчирилган.
Axios версиясига кўра битим шартлари
Axios маълумотларига кўра, биринчи босқичда ярадор ёки касал бўлган 33 нафар исроиллик гаровга олинганлар, жумладан, аёллар, болалар озод қилинади. Улар олти ҳафталик оташкесимнинг биринчи кунидан бошлаб босқичма-босқич озод этилади.
Бу вақт ичида Исроил Мудофаа армияси Ғазо секторининг яҳудий давлати билан чегараси бўйлаб буфер зонасига чекиниши керак, секторни иккига бўладиган Нецарим йўлагидан, шунингдек, чизиқ чегарасидаги Филаделфия йўлагининг катта қисмидан воз кечиши керак. Фаластинликларга ҳеч қандай текширувларсиз Ғазо секторининг шимолига пиёда қайтишга рухсат берилади. Машиналарда оғир қуроллар бўлмаслиги Қатар ва Миср расмийлари томонидан текширилади.
Бунинг эвазига Исроил қамоқхоналаридан 700 дан ортиқ фаластинлик маҳбуслар, жумладан, исроилликларни ўлдиришда айбланган ва умрбод қамоқ жазосини ўтаётган 275 га яқин маҳкум озод қилинади. Ғазодан бўлган қўшимча 1000 фаластинлик Исроил Мудофаа армияси томонидан қўлга олинган ҳудуддаги операция давомида қўйиб юборилади.
Оташкесимнинг 16-кунида Исроил ва Ҳамас қолган гаровга олинганларни озод қилиш, доимий оташкесим ва Исроил кучларининг Ғазодан тўлиқ чиқиб кетиши кутилаётган келишув иккинчи босқичи бўйича музокараларни бошлайди, дея хулоса қилади Axios.
АҚШ ва Қатар вакиллари Ғазо секторида ўт очишни тўхтатиш ва исроиллик гаровга олинганларни озод қилиш бўйича келишув имзолади. Бу ҳақда 16 январ, пайшанба куни Американинг Axios портали манбаларга таяниб хабар берди.
Келишув кафиллари - АҚШ, Қатар ва Миср
Унга кўра, Исроил ва Ҳамас гуруҳи ўртасидаги келишувнинг якуний версияси пайшанба куни Доҳада тасдиқланган. Ҳужжатни Исроил, Ҳамас, АҚШ ва Қатар музокарачилари имзолаган. Вашингтон номидан ҳужжатни дипломат Бретт Макгерк имзолади. Қатар ва АҚШдан ташқари, Миср ҳам келишув кафилига айланди, деб ёзади Axios.
Исроил бош вазири Бинямин Нетаняҳунинг идораси 17 январ, жумага ўтар кечаси келишув ҳақида баёнот берди. «Нетаняҳу музокаралар гуруҳи томонидан гаровга олинганларни озод қилиш бўйича келишувга эришилгани ҳақида маълум қилди», — дейилади баёнотда. Бош вазир девонининг қўшимча қилишича, гаровга олинганларни қабул қилишга ҳозирданоқ тайёргарлик кўрилмоқда. AP агентлигига кўра, Нетаняҳу идораси баёноти, афтидан, Исроил ҳукумати ҳукмрон коалиция ичидаги қарама-қаршиликларга қарамай, келишувни маъқуллашини билдиради.
Бош вазир идораси Исроилнинг ҳарбий-сиёсий вазирлар маҳкамаси «келишувни тасдиқлаш учун жума куни йиғилишини» айтди. Кейин у тўлиқ ҳукумат томонидан тасдиқланиши керак. Нетаняҳу жамоаси вазирлар маҳкамаси қачон йиғилиши ҳақида аниқ маълумот бермади. AFP хабарига кўра, келишув сулҳ 19 январ, якшанба куни кучга киришини англатади. Axios Нетаняҳу ёрдамчисига таяниб хабар беришича, бу муддат 20 январ, душанба кунига кўчирилган.
Axios версиясига кўра битим шартлари
Axios маълумотларига кўра, биринчи босқичда ярадор ёки касал бўлган 33 нафар исроиллик гаровга олинганлар, жумладан, аёллар, болалар озод қилинади. Улар олти ҳафталик оташкесимнинг биринчи кунидан бошлаб босқичма-босқич озод этилади.
Бу вақт ичида Исроил Мудофаа армияси Ғазо секторининг яҳудий давлати билан чегараси бўйлаб буфер зонасига чекиниши керак, секторни иккига бўладиган Нецарим йўлагидан, шунингдек, чизиқ чегарасидаги Филаделфия йўлагининг катта қисмидан воз кечиши керак. Фаластинликларга ҳеч қандай текширувларсиз Ғазо секторининг шимолига пиёда қайтишга рухсат берилади. Машиналарда оғир қуроллар бўлмаслиги Қатар ва Миср расмийлари томонидан текширилади.
Бунинг эвазига Исроил қамоқхоналаридан 700 дан ортиқ фаластинлик маҳбуслар, жумладан, исроилликларни ўлдиришда айбланган ва умрбод қамоқ жазосини ўтаётган 275 га яқин маҳкум озод қилинади. Ғазодан бўлган қўшимча 1000 фаластинлик Исроил Мудофаа армияси томонидан қўлга олинган ҳудуддаги операция давомида қўйиб юборилади.
Оташкесимнинг 16-кунида Исроил ва Ҳамас қолган гаровга олинганларни озод қилиш, доимий оташкесим ва Исроил кучларининг Ғазодан тўлиқ чиқиб кетиши кутилаётган келишув иккинчи босқичи бўйича музокараларни бошлайди, дея хулоса қилади Axios.