Абдуқодир Ҳусанов кучлими ёки Витор Рейс?

[/img]
"Манчестер Сити" сўнгги ойлардаги қониқарсиз натижалари сабаб, қишки трансферлар ойнасида Абдуқодир Ҳусанов ва Витор Рейсни жамоага жалб қилди. Ушбу икки фулбекнинг устунлик томонлари билан батафсил танишинг.

Виторнинг паслар аниқлиги 56 % бўлса, Ҳусановда бу кўрсаткич 47.4 % ташкил этмоқда. Узоқ масофага бўлган паслар аниқлиги бразилиялик футболчида 72.5 %, миллий терма жамоамиз аъзоси эса 81.1 % билан юқори натижани қайд этган.

Ҳимоявий ҳаракатлар бўйича Рейс 57.8 %, Абдуқодир эса 95.5 % натижа кўрсатган. Иккинчи қаватдаги курашларда ғалаба қозониш бўйича 19 ёшли ҳимоячининг натижаси 66.8 %, футболчимизники эса 81.3 % ни ташкил этади.

Тўпни ҳужумга олиб чиқиш бўйича "Палмейрас" ўйинчисининг кўрсаткичи 21.7 % бўлса, 20 ёшли етакчимиз 29.4 % қайд этган.

Шу билан бирга, Рейс Sofascore порталида ўртача 6.91 баллни қўлга киритган, "Бунёдкор"нинг собиқ ҳимоячиси эса 7.17 балл тўплашга муваффақ бўлган.

Ҳамюртимиз "шаҳарликлар" таркибидаги ёш рақобатчисидан фақатгина паслар аниқлиги бўйича бироз ортда бормоқда. Қолган барча жабҳаларда устунликка эга.

Маълумот ўрнида, Ҳусановнинг Transfermarkt порталидаги нархи 12 миллион евро, Виторники эса 14 миллион евро деб баҳоланмоқда.