Қирғизистондан Ўзбекистонга от ҳайдаб ўтаётган шахс ушланди

Қирғизистондан Ўзбекистонга ноқонуний равишда от ҳайдаб ўтишга уринган шахс қўлга олинди, деб хабар беради Каzinform агентлиги AKIpressга таяниб.

7 январ куни “Ала-Бука” чегара отряди чегарадан ноқонуний равишда от ҳайдаб ўтишнинг олди олинди. Чегара хизмати маълумотларига кўра, Жалолободнинг Ақси туманининг Ақ-Там ҳудудида Согот қишлоғида яшовчи 1999 йилда туғилган шахс қўлга олинган. Қирғизистон фуқароси 3 та отни Ўзбекистонга ноқонуний олиб ўтмоқчи бўлган.

Шунингдек, бир кун аввал Жалолобод вилоятининг Ноокен туманидаги чегарачилар Ўзбекистондан Қирғизистон чегарасини ноқонуний кесиб ўтган номаълум фуқарони пайқаб қолган.

Қоидабузарни қўлга олиш чоғида чегара посбонлари ташлаб кетилган иккита сумка ичидан дори воситаларини топган. Эркакнинг ўзи Қирғизистон ҳудудига кириб, ғойиб бўлган. Ҳозирда контрабандачини қидириш ишлари давом этмоқда.

Дастлабки маълумотларга кўра, контрабанда маҳсулотларининг умумий қиймати 700 минг сомдан ортиқни ташкил қилган.