Все новости

Россиядә эш бирүчеләрне начар һава торышы булганда хезмәткәрләрне эштән яки студентларны укудан азат итәргә мәҗбүр итә торган бердәм закон юк. Мондый очракларда бу мәсьәләне һәр оешма үзе хәл итә, дип сөйләде Россия Фәннәр академиясе академигы, Россия мәгариф академиясе президенты урынбасары Геннадий Онищенко. Аның сүзләрен «ТАСС» китерә.

Бүген «Татагролизинг» АҖ коллективына яңа җитәкче – Рафаэль Фәттаховны тәкъдим иттеләр. Ул моңарчы Татарстан авыл хуҗалыгы һәм азык-төлек министры урынбасары вазифасын башкарды.

Татарстан прокуроры Альберт Суяргулов республика Арбитраж судының элеккеге судьясы Гадел Минаповның милкен алуны таләп итте. «Татар-информ» мәгълүматларына караганда, дәгъва судка юлланган.

Бүген төнлә һәм 16 гыйнварда иртән Татарстанга көчле салкыннар килә. Һава температурасы -27 градуска кадәр төшәргә мөмкин, дип фаразлана. Россия Гадәттән тыш хәлләр министрлыгының ТР буенча баш идарәсендә көчле салкыннарда янгыннар һәм аварияләр куркынычы арта, дип кисәттеләр.

Бүген Казанның 12нче номерлы мәктәбендә «Физика-математика алгарышы» проекты кысаларында масштаблы республика семинары узды. Республиканың җиде районыннан, Казаннан һәм Иннополистан 50дән артык педагог, мәктәп директорлары һәм методистлар җыелды. Алар иң яхшы практикалар белән алышты һәм бүгенге көндә балаларны төгәл фәннәр белән мавыктыру чаралары турында сөйләште.

Кешеләргә сукбай этләр һөҗүм итү проблемасын этләрне җавапсыз үрчетүне тыю һәм йортсыз хайваннарны вакцинацияләү һәм стерилизацияләүгә күбрәк игътибар бирү хәл итәргә ярдәм итәчәк. Дәүләт Думасының гаиләне яклау комитеты рәисе урынбасары Виталий Милонов ТР Яшел Үзән районында бала белән хатын-кызга этләр көтүе ташлану очрагы турында фикере белән уртаклашты. Ул бу хакта «Татар-информ»га сөйләде.

Яшел Үзән районында яшәүчеләр янәдән сукбай этләрдән зарлана. Социаль челтәрләрдәге хәбәрләргә караганда, «Яшел Үзән» тимер юл станциясе янында кечкенә бала белән хатын-кызга якынча җиде хуҗасыз эттән торган көтү һөҗүм иткән.

Яшел Үзән районында яшәүчеләр янәдән сукбай этләргә зарланган. Социаль челтәрләрдәге хәбәрләргә караганда, «Яшел Үзән» тимер юл станциясе янында кечкенә бала белән хатын-кызга якынча җиде хуҗасыз эттән торган көтү һөҗүм иткән.

Бүген иртән Татарстан янындагы күрше төбәкләрдә биш пилотсыз очкыч бәреп төшерелгән. Бу хакта Россия Саклану министрлыгында хәбәр иттеләр.

2025 ел нәтиҗәләре нигезендә, Татарстан хезмәт базарында берничә төрле тренд күзәтелә. Алар арасында – массалы режимда эшкә яллый торган өлкәләрдә кадрлар кытлыгы саклану, эш бирүчеләрдә күнекмәләргә ия булган эш эзләүчеләргә ихтыяҗ булу, персоналны эш урынында саклап калдыру һәм кешеләр арасында өстәмә акча эшләүгә ихтыяҗ булу. Бу хакта «Татар-информ»га hh.ru Идел буе директоры Альбина Солтанова хәбәр итте.

«Ярдәм» фонды һәм мәчете матбугат конференциясенең көн тәртибенә узган елга йомгак ясау, «Ярдәм» яңа инклюзия үзәгендә, шулай ук Апаста малайлар өчен яңа «Заһретдин» пансионатында эшләр барышы белән танышу кебек мәсьәләләр кертелгән иде. Шулай ук быел февраль-март айларында мөселман кардәшләр өчен изге Рамазан аен үткәрү планнары тәкъдим ителде.

Татарстанның Югары Ослан районында коткаручылар электр челтәренә хезмәт күрсәтүче шәхси компания хезмәткәрләренә ярдәм иткән. Электрчылар Коргуза авылыннан ерак түгел басуда карда батып калган. Бу хакта Россия Гадәттән тыш хәлләр министрлыгының ТР буенча баш идарәсе хәбәр итә.

2025 ел нәтиҗәләре буенча Татарстан Республикасы бюджеты федераль бюджеттан һәм федераль фондлардан 96,1 миллиард сумлык бюджетара трансфертлар белән тулыланды. Бу хакта ТР Финанс министрлыгының матбугат хезмәте хәбәр итә.

ТР башкаласында «Тынычлык» чаңгы-биатлон комплексы базасында Чаңгы узышлары буенча Россия Кубогының VI этабы старт алды.

Уңайлы шәһәр мохитен булдыруның иң яхшы проектлары Бөтенроссия конкурсы кысаларында 2019 елдан башлап 1,1 меңнән артык проект гамәлгә ашырылды. Бу хакта Россия Хөкүмәте Рәисе урынбасары Марат Хөснуллин белдерде. Аның сүзләрен РФ Хөкүмәте матбугат хезмәте китерә.

Болгар ислам академиясе магистрантлары һәм докторантлары дөньядагы иң борынгы һәм абруйлы Ислам университетларының берсе булган Мисырдагы Әл-Азһәр университетында интенсив фәнни-белем бирү стажировкасыннан соң Казанга кайтты.

2025 елда Татарстанның хезмәт базары тышкы һәм эчке факторларга бәйле сизелерлек үзгәрешләр кичерде. Төп тенденцияләрнең берсе структур үзгәртеп кору булды. Бу хакта «Татар-информ» га ТР Халыкны эш белән тәэмин итү үзәге матбугат хезмәтендә хәбәр иттеләр.

Казанда 17 яшьлек студент кыз мошенникларга ата-анасының ьыйган акчаларын биргән. Россия Эчке эшләр министрлыгының Казан буенча идарәсендә хәбәр итүләренчә, билгесез кешеләр үзләрен китерү хезмәте хезмәткәрләре дип таныштырып, кызга шалтыраткан һәм смстан кодны әйтеп бирүне сораган. Ул кодны әйткән, шуннан соң әңгәмәдәшләр аны куркыта башлаган һәм өйдә акча саклануын ачыклаган.

10 бала тапкан һәм шул ук санда 1,5 елга бала карау буенча ялга киткән хатын-кызлар, гомерләрендә бер көн дә эшләмичә, картлык буенча иминият пенсиясен алырга хокуклы. Бу хакта «Татар-информ»га Россия Федерациясе Хөкүмәте каршындагы Финанс университеты доценты Игорь Балынин хәбәр итте.

Хезмәткәрләрнең пөхтә булмаган тышкы кыяфәте өчен штраф законсыз дип санала. Россия Хезмәт Кодексында мондый төшенчә юк. Эш бирүче хезмәткәрнең тышкы кыяфәтенә субъектив бәя бирүгә таянып, аны җаваплылыкка тартырга хокуклы түгел. Бу хакта «RT» шәрехләрендә Роскачествоның оештыру үсеше департаменты директоры Евгения Ганькина хәбәр итте.

2025 ел йомгаклары буенча Татарстанда кадрлар кытлыгы сәнәгать җитештерүендә күзәтелә. Анда конструкторлар, технологлар һәм механиклар, шулай ук квалификацияле эшчеләр – токарьлар, фрезерлаучылар һәм шомартучылар кирәк. Төзелеш өлкәсендә конструкторлар, проектлаучылар һәм җитештерү-техник бүлек белгечләре, шулай ук электромонтажчылар, эретеп ябыштыручылар һәм буяучылар кирәк. Бу хакта «Татар-информ» га ТР Халыкны эш белән тәэмин итү үзәге матбугат хезмәтендә хәбәр иттеләр.

Яңа ел бәйрәмнәрендә Казанның медицина хезмәтләре көчәйтелгән режимда эшләде. Бу вакыт эчендә аларга 15 меңнән артык кеше мөрәҗәгать итте, дип хәбәр итә шәһәр сәламәтлек саклау идарәсе.

Гыйнвар белән чагыштырганда, ноябрьдә Татарстанда hh.ru эш бирүчеләр вакансияләрендә тәкъдим ителә торган медиан хезмәт хакы 14,5 процентка арткан һәм 80,2 мең сум тәшкил иткән. Бу хакта «Татар-информ»га hh.ru Идел буе директоры Альбина Солтанова хәбәр итте.

2026 елда хезмәт базарында эшче көчләр җитмәячәк. 2026 елда хезмәт базары трендларына багышланган зур уртак тикшеренү мәгълүматлары буенча, ТОП-3 кә хезмәт җитештерүчәнлеген һәм нәтиҗәлелеген күтәрү, эш бирүче брендын үстерү һәм персоналны тотып калу буенча көчләрне арттыру кергән. Бу хакта «Татар-информ»га hh.ru Идел буе директоры Альбина Солтанова хәбәр итте.

Казанның Совет районында бүген иртән бөкеләр булган. Бу хакта «Яндекс.карты» сервисы мәгълүматлары сөйли.