Чаллыда прокуратура теплоходта имгәнгән аш пешерүчегә компенсация алырга булышкан

Чаллыда прокуратура теплоходта эшләгәндә имгәнгән аш пешерүчегә мораль компенсация алырга ярдәм иткән.

Идел буе транспорт прокуратурасы хәбәр иткәнчә, сентябрьдә суднода җыештыру эшләре вакытында хезмәткәр авыр тән җәрәхәтләре алган. Әлеге хәлдән соң тикшерү оештырылган, аның барышында хезмәтне саклау законнарының бозылуы ачыкланган.

Закон бозуларга юл куйган җитәкчегә беркетмә төзелгән, ә эш судка тапшырылган, ул хезмәткәр файдасына 700 мең сум компенсация түләү турында карар чыгарган.