Автоэксперт Попов кышкы көпчәкне җәйгесенә кайчан алыштырырга кирәклеген аңлатты

Автомобильдә кышкы тәгәрмәчне җәйгесенә уртача тәүлеклек температура атна дәвамында +6 градустан түбән төшмәгән очракта алыштырырга мөмкин. Автоэксперт, РФ Хөкүмәте каршындагы юл хәрәкәте иминлеге комиссиясе әгъзасы Дмитрий Попов «Татар-информ» агентлыгына шулай дип белдерде.

«Көндез уртача температура +10..+12 градус, ә төнлә һичьюгы 0..+1 градус булырга тиеш», – дип аңлатты Попов.

Мондый температуралардан соң кинәт суытып җибәрергә һәм машина йөртүче кышкы көпчәкне җәйгесенә алыштырып өлгергән булырга мөмкин һәм моңа әзер торырга кирәк, дип өстәде ул. Әгәр тәгәрмәчне озак вакыт алмаштырмасаң, автомобиль хуҗасы җәйге асфальтта кышкы көпчәк белән йөриячәк.

«Шиплы тәгәрмәчләр автомобиль белән идарә итү үзлеген киметә», – дип искәртте автоэксперт.