Лаешта шәхси йортта янгын чыккан, 66 яшьлек ир-ат зыян күргән

Лаеш районының Орел авылында янгында 66 яшьлек ир-ат зыян күргән.

Россия Гадәттән тыш хәлләр министрлыгының ТР буенча баш идарәсендә хәбәр итүләренчә, ут шәхси бүрәнә йортта чыккан. Урынга килгән янгын сүндерүчеләр янгынның мәйданы 36 квадрат метр тәшкил итүен билгеләгән.

Зыян күргән ир-атның сул аягының боты пешкән. Аны Республика клиник хастаханәсенә китергәннәр. Янгынның сәбәбен ачыклыйлар.