Гадәттән тыш хәлләр министрлыгы көчле салкын вакытында иминлек чаралары турында искәртте

Татарстанга көчле салкыннар килә. Гадәттән тыш хәлләр министрлыгы республика халкына салкыннар вакытында үтәлергә тиешле иминлек кагыйдәләре турында искәртте.

Көчле салкыннар вакытында урамга чыкмаска һәм ерак сәфәрләрдән баш тартырга киңәш ителә. Янгын чыкмасын өчен җылыткыч приборларны караусыз калдырмаска кирәк.

Элегрәк «Татар-информ» язганча, 9 марттан 10 мартка каршы төндә республикада һава температурасы -25, ә урыны белән -34 градуска кадәр кимиячәк.