Полиция «Салават Күпере» торак комплексында ир-атны кыйнау шартларын ачыклый

Полиция хезмәткәрләре Казанның «Салават Күпере»торак комплексында ир-атны кыйнау шартларын ачыклый. Бу хакта «Татар-информ»га ТР буенча Эчке эшләр министрлыгы матбугат хезмәтендә хәбәр иттеләр.

«Киров районында берничә билгесез кеше ир-атны кыйнаган. Полиция хезмәткәрләре инцидентның барлык шартларын ачыклый», – диделәр матбугат хезмәтендә.

Полиция хезмәткәрләре тикшерү үткәрә, аның нәтиҗәләре буенча процессуаль карар кабул ителәчәк.

Элегрәк челтәрдә берничә кешенең бер ир-атны кыйнавы күренгән видео пәйда булган иде.