Казанда хатын-кызлар өчен карьера һәм гаилә арасында баланс саклау турында лекция була

Иртәгә, 8 мартта, ТР Милли китапханәсендә «Многоролевая женщина: Проектный подход к жизни без выгорания» дип аталган лекция була. Чара карьера белән гаилә тормышы арасында баланс сакларга өйрәнергә теләүче хатын-кызларга кызык булачак. Бу хакта ТР Милли китапханәсе матбугат хезмәтендә хәбәр иттеләр.

Очрашуның спикеры икътисад фәннәре кандидаты, финанс аналитигы, стратег Анна Ибәтуллина булачак.

Чара 14:00 сәгатьтә башлана. Катнашу өчен теркәлергә кирәк.