Россия һәм Якын Көнчыгыш илләре арасында 62 рейс гамәлдән чыгарылган

1 март иртәсенә Россия һәм Якын Көнчыгыш илләре арасында 62 рейс гамәлдән чыгарылган. Бу хакта РФ Транспорт министрлыгы матбугат хезмәте хәбәр итә.

Ведомство мәгълүматлары буенча, Россия авиакомпанияләре 38 рейсны, чит илләр 31 рейсны гамәлдән чыгарган. Гамәлдән чыгарылган рейсларның 75 проценттан артыгы Россия һәм Берләшкән Гарәп Әмирлекләре арасындагы рейсларга туры килә.

Россия һәм чит ил ташучыларының күпчелеге биргән мәгълүматлар буенча, гамәлдән чыгарылган рейсларның пассажирларын кунакханәләргә урнаштырганнар яки өйләренә озатканнар. Министрлык мәгълүматы буенча, Россия аэропортларында вазгыять тыныч, кешеләр күп җыелмый. 4 меңнән артык билет өчен акчалар клиентларга кире кайтарылган. Контакт-үзәкләр мөрәҗәгатьләрне эшкәртүне дәвам итә.