1 марттан Россиядә мошенниклар белән көрәшү өчен «Антифрод» системасы эшли башлый

1 марттан Россиядә киберҗинаятьләргә каршы тору буенча өстәмә чаралар эшли башлый. Аерым алганда, «Антифрод» дәүләт мәгълүмат системасы эшли башлады. Аның операторы булып Россия Цифрлар министрлыгы тора.

Система дәүләт органнарының, элемтә операторларының, банкларның һәм базардагы башка катнашучыларның оператив хезмәттәшлеге өчен билгеләнгән.

«Антифрод» янауларны тизрәк ачыклау һәм кулланучыларны яклау буенча чаралар күрү өчен мошенниклык гамәлләре билгеләре турында мәгълүмат алмашырга мөмкинлек бирәчәк.