Бәләбәй татар гимназиясендә сәнгатьле уку бәйгесенең чираттагы сайлап алу туры узды

Башкортстанда «Сүз чыгар шагыйрьләрдән хикмәт берлән...» сәнгатьле уку бәйгесенең чираттагы сайлап алу туры Бәләбәй татар гимназиясе мәйданчыгында узды, дип хәбәр итә Вконтакте социаль челтәрендәге «Стәрлетамак татарлары: мәгариф, мәдәният, тарих» сәхифәсе.

Бәйгедә катнашучы укучылар сәнгатьле итеп Муса Җәлил шигырьләрен сөйләгән.

Жюри әгъзасы булган Башкортстанның атказанган мәдәният хезмәткәре Миңлегали Хөснетдинов, дәртле җырларын башкарып, бәйрәмгә ямь өсти. Шулай ук жюри әгъзасы булган 5 курс студенты Илнар Рәхмәтуллин университеттагы уку тәртипләре, үзара җылы мөнәсәбәтләр турында бәян итә. Доцент Нәсимә Мөкимова һәм 3 курс студенты Азалия Рахманова үзенчәлекле итеп «Вәхшәт» шигырен башкара, диелә хәбәрдә.