Рөстәм Миңнеханов төбәк башлыклары илкүләм рейтингы лидерлары арасына керде

Татарстан Рәисе Рөстәм Миңнеханов Россия Федерациясе субъектлары башлыклары эшчәнлеген бәяләүгә багышланган яңартылган «Илкүләм рейтинг» лидерлары арасына керде. 2026 елның гыйнвар һәм февраль нәтиҗәләре буенча Рөстәм Миңнеханов төбәк җитәкчеләре исемлегендә икенче урынны алды.

«Рейтинг» мәгълүмати коммуникацияләр үзәге әзерләгән тикшеренү мәгълүматларына караганда, Татарстан, гадәттәгечә, лидерларның беренче төркемендә позицияләрен саклап кала. Йомгаклау таблицасында Татарстан Республикасы Рәисеннән бары тик Мәскәү мэры Сергей Собянин гына алда бара, ә субъектларның иң көчле башлыклары өчлеген Чечен Республикасы җитәкчесе Рамзан Кадыров йомгаклый.

Тикшерү нәтиҗәләре читтән торып анкеталаштыру, шулай ук эксперт җәмгыяте вәкилләреннән күзгә-күз һәм дистанцион сораштыруларны үз эченә алган комплекслы анализ нигезендә ясалган.