Татарстанда яшәүче ир-ат кеше үтергән өчен суд каршына басачак

Тикшерүчеләр Әлмәттә яшәүче 58 яшьлек ир-атка карата кузгатылган җинаять эшен тикшерүне төгәлләде. Берничә тапкыр җинаять җаваплылыгына тартылган ир-атны кеше үтерүдә гаеплиләр.

Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий хәбәр иткәнчә, 2025 елның көзендә әлеге ир-ат бергәләп кәеф-сафа корып утырганда таныш хатыны белән ачуланышкан. Ул аны башта кыйнап ташлаган, аннары баскыч мәйданчыгында башына пычак белән кадаган. Хатын-кыз шул көнне үк үлгән.

Хәзер гаепләнүче сак астында. Җинаять эше судка тапшырылган.