Бассейнда баланың башына суккан тренерга карата җинаять эше кузгатылды

Казан бассейннарының берсендә баланы кыйнаган тренерга карата җинаять эше кузгатылды.

Элегрәк социаль челтәрләрдә хәбәр ителгәнчә, бер балалар бакчасының тренеры 5 яшьлек сабыйның башына такта белән суккан һәм аны суга чумдырып алган.

Россия Тикшерү комитетында хәбәр итүләренчә, берьюлы ике маддә буенча (бала тәрбияләү бурычын үтәмәү һәм ваемсызлык) җинаять эше кузгатылган. Тикшерү барышы турында ведомство башлыгы Александр Бастрыкинга хәбәр ителәчәк.