Мәскәү Татар мәдәни үзәгендә «Китап җыеннары» китап клубы очрашуында бәетләр укыдылар

Мәскәү Татар мәдәни үзәгендә «Китап җыеннары» татар китап клубы очрашуы беренче тапкыр яңа форматта узган. Бу хакта Мәскәү шәһәре Татар милли-мәдәни автономиясе төбәк иҗтимагый оешмасының матбугат хезмәте хәбәр итә.

Бәетләргә багышланган очрашу төрле аудиторияне җыйган – бәетләрне балачактан ук ишетеп үсүчеләр, жанр белән таныш булмаучылар һәм хәзерге вакытта бу жанр белән кызыксынучылар.

Очрашу барышында «Сак-Сок» һәм «Җиде кыз» бәетләре укылган.

Бәетләрнең бер үзенчәлеге – алар бик аз халыкларда таралдан. Ни өчен татарларда ул шулай киң таралган? Бу татарларның нинди сыйфатлары турында сөйли ала? Кичәдә катнашучылар әлеге сораулар турында фикер алышты, диелә хәбәрдә.