Кар яву аркасында Казан метрополитены өстәмә поезд җибәрәчәк

Бүген иртән һәм кич Татарстан башкаласы метрополитены линиягә резервтан өстәмә составны чыгарачак. Бу хакта «Метроэлектротранс» МУП матбугат хезмәте үзенең Телеграм-каналында хәбәр итә.

Нәтиҗәдә 7 сәгатьтән 9 сәгатькә кадәр һәм 17 сәгатьтән 19 сәгатькә кадәр, көчле кар яву һәм пассажирлар саны арту сәбәпле, линия буенча 12 электропоезд йөриячәк. Поездлар арасындагы интервал 4 минут 38 секундка кадәр кыскарачак.

«Бу күчерүләрнең уңайлылыгын һәм оперативлыгын тәэмин итеп, платформаларны шактый бушатырга мөмкинлек бирәчәк», – дип аңлаттылар матбугат хезмәтендә.