Машина йөртү таныклыгы алырга җыенучылар өчен имтиханнарга кагылышлы үзгәрешләр әзерләнә

Россиядә машина йөртү таныклыгы алырга теләүчеләргә теория буенча имтиханны уңышлы тапшырганнан соң алты ай дәвамында практик имтиханны тапшырмаган очракта кабат теория буенча сынау узарга туры килергә мөмкин. Бу хакта ТАСС агентлыгы хәбәр итә.

Агентлык чыганагы сүзләренчә, хәзерге вакытта тиешле проект өстендә эш төгәлләнеп килә. Документ ярты еллык срокка сыешмаганнар өчен кабат теория буенча имтихан билгеләүне күздә тота. Төзәтмәләр кертелгәннән соң проект Хөкүмәт каравына тапшырылачак.