Кар яуган вакытта машина йөртүнең мөһимлеген искә төшерделәр

Дәүләт автоинспекциясендә кар вакытында машина йөртүнең мөһимлеген искәрттеләр.

«Һава торышы начараю сәбәпле, машина йөртүчеләргә тизлек режимын төгәл үтәргә, дистанцияне арттырырга һәм кискен маневрлар ясамаска кирәк. Руль артында бик игътибарлы булыгыз, үзегезне һәм якыннарыгызны саклагыз!» – дип билгеләп үтте Казан Дәүләт автоинспекциясе башлыгы урынбасары Айрат Хәмидуллин.

Исегезгә төшерәбез, бүген һәм ял көннәрендә республикада күз күреме 1000 метрга кадәр начараюлы буран һәм көчле җил, ә юлларда көчле бозлавык һәм кар боткасы көтелә.