Татарстан Рәисе «Казан Агро 2026» күргәзмәсе эшенә югары бәя бирде

Татарстан Рәисе Рөстәм Миңнеханов "Казан Агро 2026" күргәзмәсе эшенә югары бәя бирде.

"Күргәзмә эше системалы төстә, кызыклы итеп оештырылган. Профессионалларга гына түгел, балаларга, студентларга да кызык мәгълүмат күп", - диде Рөстәм Миңнеханов ТР Авыл хуҗалыгы һәм азык-төлек министрлыгының коллегия утырышында.

Татарстан Рәисе күргәзмәне оештыручыларга һәм катнашучыларга рәхмәтен җиткерде.

"Без эшләп җиткермәгән, әле эш нәтиҗәләрен яхшыртырга кирәк булган юнәлешләр бар, ләкин, тулаем алганда, эш нәтиҗәләре югары. Бу - производстводагы командирлар һәм урыннарда эшләүчеләрнең казанышы", - диде республика Рәисе.