Татарстанда кар һәм буран көтелә

Татарстанда 7 февральдә болытлы һава көтелә. Кар явачак, көнбатыш районнарда урыны белән көчле, кайбер районнарда буран булуы ихтимал, дип хәбәр итә ТР Гидрометеорология үзәге.

Җил көньяктан һәм көньяк-көнбатыштан секундына 6-11 метр тизлек белән, урыны белән секундына 14 метр тизлек белән.

Иртән температура -9...-14 градуска кадәр була. Көндез термометр баганалары -6дан -11 градуска кадәр күрсәтәчәк.

Юлларда бозлавык сакланачак, республиканың көнбатыш өлешендә кар көртләре барлыкка килергә мөмкин.