Чүпрәле районы «Ивушка» балалар бакчасында юл хәрәкәте иминлеге көне узды

Чүпрәле районы Зур Аксу авылындагы «Ивушка» балалар бакчасында юл-транспорт травматизмын кисәтүгә юнәлдерелгән чара узды. Бу хакта «Туган як» газетасы яза.

Чараны «Юл хәрәкәте иминлеге» учреждениесенең Буа бүлекчәсе белгече Диана Мөхәммәтшина, юл хәрәкәтенең иҗтимагый иминлеге буенча әйдәп баручы белгеч Мария Пустынина һәм һәм мәгариф бүлеге методисты Илнур Мавзютов оештырды.

Төп максат бакчада тәрбияләнүчеләрнең, аларның ата-аналарының юл йөрү кагыйдәләре өлкәсендә грамоталылыгын арттыруга җәлеп итүдән гыйбарәт иде.

Белгечләр балалар һәм ата-аналар өчен интерактив уеннар, әңгәмәләр үткәрде, видеороликлар күрсәтте. Бу көнне балаларга - яктылыкны кире кайтара торган элементлар, ә ата-аналарга тематик белешмәлекләр таратылды.