Миңнеханов дәүләт ярдәме алучы ятимнәр саны артуга бәйле хәлне анализларга кушты

Бүген Татарстан Республикасы Җир һәм мөлкәт мөнәсәбәтләре министрлыгының йомгаклау коллегиясендә Татарстан Рәисе Рөстәм Миңнеханов торак рәвешендә дәүләт ярдәме алучы ятимнәр саны артуга бәйле вазгыятьне анализларга кушты.

«Ятимнәрнең ни өчен бик тиз артуын игътибар белән тикшерергә кирәк. Мин республика прокуратурасына бу эшне анализларга мөрәҗәгать итәм», - дип белдерде Миңнеханов.

Аның сүзләренчә, бер яктан, хакимият законны үтәргә тиеш, ә икенче яктан – ятим бала да барлык билгеләнгән таләпләргә туры килергә тиеш.

«Димәк, судлар аша, димәк, аларга ярдәм күрсәтә торган ниндидер юридик компанияләр бар. Мин ятимнең ярдәм алырга тиешлегенә каршы түгелмен, әмма ул дөрес тормышка ашырылырга тиеш», – дип йомгаклады ТР Рәисе.