Казанда яшәүче хатын-кыз бала тудыру йорты подъезды янында машинада бала тапкан

Казанда яшәүче Виктория Абызова бала тудыру йорты подъезды янында машинада бала тапкан.

7нче шәһәр клиник хастаханәсе матбугат хезмәте хәбәр иткәнчә, Виктория йөклелекнең 39нчы атнасында була һәм 3 февраль иртәсендә тулгак тота башлавын сизә. Башта ул моңа ышанып бетми, ә тора-бара тулгак тоту көчәя. Шуннан соң ире Евгений белән машинада бала тудыру йортына китәләр.

Хастаханә подъезды янында хатын-кызның суы китә. Ир белән хатын хастаханәгә килеп җиткәч, Евгений табиблар янына йөгерә, хатынының бала табуы турында хәбәр итә һәм машинасы янына чыга. Бу вакытта инде хатыны бала таба башлый, сабый дөньяга килгәч, ир-ат

аны биләүгә төрә.

«Шуннан соң хатын-кызны операция бүлмәсенә озаталар, ярасын тегәләр... Һәм, әлбәттә, сабыйның сәламәтлеген тикшерәләр», - дип белдерделәр хастаханәнең матбугат хезмәтендә.

Малайга Дима дип исем кушалар.