Азәрбайҗан шагыйрәсенең шигырьләр җыентыгы татар телендә басылып чыкты

«Язучы» нәшриятында Мәскәүдә яшәп иҗат итүче азәрбайҗан шагыйрәсе Афак Шыхлының «Бәхет йолдызы» дип аталган китабы татар телендә басылып чыкты. Бу хакта ТР Язучылар берлеге матбугат хезмәте хәбәр итә.

Китапка шагыйрәнең төрле елларда иҗат ителгән лирик, фәлсәфи шигырьләре туплап бирелде. Азәрбайҗанчадан Асия Рәхимова тәрҗемәсе.