Миңнеханов: Татарстан Гарәп Әмирлекләрендәге Gulfood күргәзмәсендә уңышлы катнашты

Татарстан Рәисе Рөстәм Миңнеханов Татарстанның Берләшкән Гарәп Әмирлекләрендә узган Gulfood халыкара азык-төлек сәнәгате күргәзмәсендә уңышлы катнашуын билгеләп үтте. Бу хакта ТР Рәисе матбугат хезмәте хәбәр итә.

Gulfood күргәзмәсендә ел саен 120дән артык илдән килгән 5 меңнән артык компания үз экспозицияләрен тәкъдим итә. Быел Татарстаннан 22 компания катнашты.

Фото: rais.tatarstan.ru

«Россия Федерациясе авыл хуҗалыгы министры Оксана Лут һәм Россия экспорт үзәге генераль директоры Вероника Никишина Татарстан Республикасының экспозициясен югары бәяләде», - дип билгеләп үтте республика лидеры Татарстан Хөкүмәте йортында узган киңәшмәдә.

Ул Татарстан Авыл хуҗалыгы һәм азык-төлек министрлыгына һәм Татарстан экспозициясен әзерләүдә катнашучыларның барысына да рәхмәт белдерде.