Прокуратура Казанда яшәүче хатын-кызга мошенниклар урлаган акчасын кайтарырга ярдәм иткән

Прокуратура Казанда яшәүче 68 яшьлек хатын-кызга мошенниклар урлаган акчасын кире кайтарырга ярдәм иткән.

Татарстан прокуратурасында хәбәр итүләренчә, хатын-кызга полиция хезмәткәре исеменнән билгесез кеше шалтыраткан. Аферист өлкән яшьтәге кешене 290 мең сум акчасын «куркынычсыз» счетка күчерергә күндергән. Алданганын аңлагач, пенсионер Казанның Вахитов районы прокуратурасына мөрәҗәгать иткән.

Ведомство судка мөрәҗәгать иткән. Суд мошенникны пенсионерга бөтен урланган сумманы түләргә мәҗбүр иткән.