Татарстанда буран булу сәбәпле, Алексеевск – Әлмәт түләүле трассасын яптылар

Алексеевск – Әлмәт автомобиль юлы транспортның барлык төрләре өчен тулысынча ябык. Бу хакта республика Дәүләт автоинспекциясендә хәбәр иттеләр.

Ведомство мәгълүматларына караганда, 15:45 сәгатьтән участокта вакытлыча чикләү кертелгән. Моның сәбәбе – начар метеорологик шартлар. Чара юл хәрәкәте иминлеген тәэмин итү өчен гамәлгә кертелгән.

Трасса һава торышы һәм юлдагы вазгыять яхшырганнан соң ачылачак.