Россия армиясе махсус операция зонасында яңа «Упырь-18» дроннарын куллана башлады

Фронтның Купянск һәм Константиновск участокларында Россия армиясе «Упырь-18» яңа пилотсыз очкычларын куллана башлады. Алар дошман ныгытмаларына 10 килограммлы миналар китерә ала. Бу хакта ТАСС «Уралдронзавод»тан чыганакка сылтама белән яза.

Завод вәкиле аңлатканча, дрон 18 дюймлы рама аркасында шулай дип аталган, максатларга һөҗүм итеп кенә калмыйча, үз подразделениеләренә кирәкле йөкләрне дә җиткерә ала.

Яңа пилотсыз очкыч җитештерүне арттыру планлаштырыла.