Аксубайда «Алтын алка-2026» бөтенроссия хоккей ярышларының финал уеннары башланды

Аксубай районы үзәк шугалагында 2026 елгы «Алтын алка» бөтенроссия яшь хоккейчылар ярышларының республика этабы финал уеннары уза. Бу хакта «Аксубай» газетасы хәбәр итте.

Бозда 2010-2011 елгы малайлар хоккей уйный. Финал уеннарында Татарстанның иң көчле командалары – Яңа Чишмә, Кайбыч, Тәтеш һәм Балтач районнары уенчылары һәм мәйдан хуҗалары — аксубайлылар очрашты. Матчлар кискен көрәштә бара: җанатарларның битен бераз салкын чеметсә дә, бозда кайнар мохит хөкем сөрә. Республиканың яшь хоккейчылары осталык, тизлек һәм команда рухы күрсәтә.

Иртәгә, ярышларның финал уенында, җиңүче һәм призерлар билгеләнәчәк, диелә хәбәрдә.