Татарстанда Яңа ел бәйрәмнәрендә алты кеше пиротехника аркасында имгәнгән

Татарстанда Яңа ел бәйрәмнәре вакытында алты кеше, пиротехник эшләнмәләр кулланганда иминлек кагыйдәләрен бозу сәбәпле, күз җәрәхәтләре алган. Бу хакта ТР Министрлар Кабинетында узган брифингта Россия Гадәттән тыш хәлләр министрлыгының ТР буенча баш идарәсе башлыгы урынбасары Максим Трущин хәбәр итте.

«Гражданнар арасында пиротехник эшләнмәләр белән эш иткәндә үтәлергә тиешле иминлек чаралары турында аңлату эшләре алып барылуга карамастан, алты кеше зыян күрде», - дип белдерде ул.

Алар барысы да пиротехник эшләнмәләр битенә эләгү нәтиҗәсендә күз җәрәхәтләре алган.

Бәйрәмнәр алдыннан һәм бәйрәм көннәрендә халык белән пиротехник эшләнмәләр кулланганда үтәлергә тиешле янгын иминлеге таләпләре турында 11 меңнән артык әңгәмә үткәрелде, дип өстәде Максим Трущин.