Кондратьев Татарстан Үзәк сайлау комиссиясе эшенә йомгак ясады

Татарстан Үзәк сайлау комиссиясенең Яңа ел алды утырышында 2025 елга йомгак ясалды. Бу хакта республика Үзәк сайлау комиссиясе матбугат хезмәте хәбәр итә.

Төп казаныш ике төп кампаниянең уңышлы тәмамлануы булды – Татарстан Рәисен һәм 7,5 меңнән артык муниципаль депутатны сайлау. Барлык сайлау процесслары штатлы, ачык һәм легитим узды, моны Россия Үзәк сайлау комиссиясе һәм республика җитәкчелеге билгеләп үтте.

Россия Үзәк сайлау комиссиясе рәисе Элла Памфилова катнашында сайлау процессын үстерү мәсьәләләре буенча бөтенроссия киңәшмәсе мөһим вакыйга булды. Мондый дәрәҗәдәге чара Татарстанда беренче мәртәбә уздырылды.

Утырышта сайлаулар барышында мәгълүмати эшчәнлеккә аерым игътибар бирделәр. «Сайлау ноктасы» мәгълүмат үзәге, сайлау кампаниясенең бөтен актив өлеше дәвамында эшләп килгән, бөтен кампаниянең нәтиҗәле мәгълүмати триггерына әверелде», - дип билгеләде ТР Үзәк сайлау комиссиясе рәисе Андрей Кондратьев.