Путин Антон Герасимовны гадәттән тыш хәлләр министры урынбасары вазифасыннан азат итте

Владимир Путин Антон Герасимовны Россия Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министрлыгы башлыгы урынбасары вазифасыннан азат итте. Бу хактагы карар хокукый актлар рәсми сайтында чыкты.

«Герасимов Антон Андреевичны Россия Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министры урынбасары вазифасыннан азат итәргә», - диелә текстта. Документ имза куелган көннән үз көченә керә.

Антон Герасимов Россия Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министры урынбасары итеп 2023 елның гыйнварында билгеләнде. Ул мәгълүмати технологияләр һәм элемтә департаменты эшчәнлеген җитәкләде.