ЗАГС идарәсе: Татарстанда ир-атлар 30-34 яшьтә әти була

Татарстанда ир-атлар ешрак 30-34 яшьтә әти була, ә хатын-кызлар 25-29 яшьтә беренче тапкыр әни була. Бу хакта «Татар-информ»га Татарстан Министрлар Кабинетының ЗАГС идарәсендә хәбәр иттеләр.

«Татарстанда әни булуның актив яше 25-29, ә әти булуныкы 30-34 яшь», – дип хәбәр иттеләр ведомствода.

Гаилә парларының 18 проценты гаилә тормышының беренче елында әти-әни була.