Депутат ноябрь аенда кемнәрнең пенсиясе артачагын әйтте

Дәүләт Думасының Кече һәм урта эшмәкәрлек комитеты депутаты Алексей Говырин ноябрь аенда Россиядә кайбер категория гражданнарның пенсияләре артачак дип белдерде. Бу хакта РИА Новости яза.

Депутат сүзләренчә, ноябрьдә Россия Социаль фонды 80 яше тулган кешеләрнең, беренче төркем инвалидларның, гражданлык авиациясенең очу экипажларының һәм күмер сәнәгате эшчеләренең пенсияләрен яңадан санаячак.

Депутат аңлатканча, 80 яше тулган кешеләрнең пенсияләре барыннан да ныграк артачак: пенсиянең билгеләнгән өлеше ике тапкыр арттырыла – аена 8 907 сумнан 17 815 сум була. Беренче төркем инвалидларның пенсиясе дә нәкъ шулай арттырыла.

Төньяк төбәкләрдә яшәүчеләр өчен район коэффициентлары белән арттырылган сумма ун меңнән күбрәк булырга мөмкин. Очу экипажлары пилотлары һәм шахтерларның пенсиясе 2-5 процентка – уртача алганда, 1,5 – 3 мең сумга арттырыла.