Новосибирскида «Сабантуй» дип исемләнгән күргәзмә ачыла

5 июньдә Татар мәдәнияте йортында рәссам Александра Гунбинаның Сабантуй бәйрәменә багышланган күргәзмәсе ачыла. Бу хакта Бөтендөнья татар конгрессы хәбәр итә.

Экспозиция милли киемнәр кигән биюче кызлар образлары, ат чабышы, милли көрәш, шау-шулы ярминкәләр һәм күңел ачулар күренешләре аша халык бәйрәменең рухын чагылдыра.

Күргәзмә 17:00 сәгатьтә ачыла. Кунакларны иҗади очрашулар, Сабантуй алдыннан фикер алышулар һәм бәйрәм кәефе көтә, диелә хәбәрдә.