Россия халкын июньдә 8 Марттан күчерү хисабына озын яллар көтә

23 февральдән һәм 8 Марттан эшләми торган көннәрне күчерү хисабына, россиялеләрне 8-11 май һәм 12-15 июнь көннәрендә озын яллар көтә. Бу хакта РИА Новости агентлыгы Дәүләт Думасының хезмәт комитеты башлыгы Ярослав Ниловка (ЛДПР) сылтама белән хәбәр итә.

«Март һәм февральдәге бәйрәм көннәре аркасында май һәм июньдә озын яллар көтелә», - диде ул.

Парламентарий искәрткәнчә, быел 23 февраль - якшәмбегә, ә 8 Март шимбәгә туры килде, әмма шул ук вакытта Хезмәт кодексында беркетелгән эш һәм эшләми торган көннәр балансы бозылмады.

«23 февраль аркасында 8 май өстәмә ял көне булачак, шул рәвешле без 8, 9, 10 һәм 11 майда ял итәчәкбез. 8 Март аркасында 12 июнь - Россия көненнән соң 13 июньдә өстәмә ял көне булачак. Нәтиҗәдә, дүрт көн рәттән (12, 13, 14 һәм 15 июнь) ял итәчәкбез», - дип искәртте Нилов.

Депутат билгеләп үткәнчә, ял көннәрен күчерү турындагы карар — Хөкүмәтнең ел саен гамәлгә ашырыла торган хокукы, шул ук вакытта, елда эшләми торган көннәрнең гомуми саны саклана, шул рәвешле эшләү һәм ял итү өчен тагын да уңайлырак шартлар тудырыла.