Дәүләт Думасында мәктәп укучыларын мошенникларга каршы торырга өйрәтергә чакырдылар

Мәктәпләрдә балаларны мошенникларга каршы тору ысулларына өйрәтү өчен махсус дәресләр оештырырга мөмкин. Бу хакта Россия Дәүләт Думасының мәгариф комитеты рәисенең беренче урынбасары Яна Лантратова белдерде. RT шул турыда белдерә.

Парламентарий шул рәвешле Эчке эшләр министрлыгының җинаятьчеләр махсус хезмәтләр, Россия почтасы яки дәүләт хезмәтләре порталы хезмәткәрләре булып балаларны куркыта башлаган дигән хәбәренә җавап кайтарды.

«Иң мөһим адымнарның берсе мәктәпләрдә дәресләр уздыру булырга мөмкин, анда балаларга мошенниклар куллана торган алдау схемалары турында сөйләячәкләр. Балаларны потенциаль куркыныч хәлләрне танырга өйрәтергә кирәк <...>», – диде депутат.

Лантратова фикеренчә, каршы торуның тиешле кагыйдәләрен эшләү, укучыларга шәхси мәгълүматларны яклау буенча гамәли киңәшләр бирү мөһим.

Моңа бәйле рәвештә мәктәпләрдә дәресләр уздыру өчен Эчке эшләр министрлыгы һәм банк секторы белгечләрен җәлеп итү мөмкинлеген карарга кирәк, дип белдерде Дәүләт Думасының мәгариф комитеты рәисенең беренче урынбасары.